По долг и тежок живот на 88-годишна возраст почина легендарниот тренер Мирослав Чиро Блажевиќ, а веста за неговата смрт растажи илјадници негови обожаватели, пријатели и членови на семејството. По Чиро, останаа ќерките Катарина и Барбара, синот Мирослав и сопругата Зденка.
Минатата година тој прослави 61 година брак со сопругата. Тие се венчаа во 1961 година. Заедно имаат три деца и шест внуци. Чиро и Зденка ретко се појавуваа заедно во јавност, а најчесто можеа да се видат заедно на културни настани како концерти, а сакаа и да посетуваат театри.
Тие се запознале во Риека, каде што и двајцата изнајмиле соба на ист кат. Тој тогаш имаше 27 години, а таа матурантка. Неговата сопруга му била најголемата поддршка во текот на неговиот живот. Секогаш го криеше тоа од медиумите, а во една прилика откри и зошто.
„Тоа и помогна затоа што е алергична на публицитет, таа мисли дека тоа е моја работа. И никогаш, никогаш, никогаш не даде ниту една изјава не даде во јавноста, дури ни кога и нудеа многу пари за тоа. И честитам на тоа затоа што можеше некогаш да ме зезне така па да ме исмејуваат. Можеше да каже нешто за мене што е непознато“, имаше изјавено тој.
Зденка и Чиро поминале многу заедно, а еден од најтешките моменти бил кога доживеала сообраќајна несреќа и за малку ќе изгорела во автомобилот. Докторите тогаш и дале само три проценти шанса да преживее.
“Толеранцијата и разбирањето се тајната на долготрајниот брак. Да се знае како да се прости, бидејќи сите грешиме. Ако нема толеранција и простување, тогаш многу брзо ќе ја компромитирате љубовта. А љубовта е најголемата работа на светот “, објасни тој еднаш во интервју за Story.
Чиро открил и дека неговата сопруга направила многу за нив кога во младоста се преселиле во Швајцарија, каде што морале да прифатат секакви работни места за да преживеат. Додека Чиро работел во студиото за украсување, Зденка, на која и го дал прекарот Нена, продавала салати.
“Како тренер работев во студио за декорација. Живеевме напорно неколку години, но Нена цело време беше покрај мене. Таа продаваше салати за да можеме да живееме. Ме поддржуваше кога одевме во Швајцарија и тоа не ни беше лесно. Секогаш поминуваме се заедно. Многу сум внимателен кон неа“, истакна еднаш тој.
Чиро замина два дена пред својот 88 роденден. Последен пат во центарот на Загреб се прошета со синот Мирослав пред само неколку дена. Тие заедно прошетаа низ плоштадот Бан Јелачиќ и плоштадот, а Чиро цело време го држеше за рака синот.