На северот на Косово и Метохија ноќта помина мирно, но се уште е тензично јавува РТС.
Србите кои протестираат поради апсењето на поранешниот полицаец Дејан Пантиќ се уште се на барикадите. Косовската полиција не дозволува премин преку Јариње и Брњак.
Кризниот штаб во Митровица апелираше до граѓаните да истраат и да останат смирени. Владата на Србија денеска ќе донесе одлука за испраќање барање до КФОР за обезбедување присуство на српските сили на северот на Косово.
Српскиот претседател Александар Вучиќ вчера се сретна со специјалниот претставник на ЕУ за дијалог меѓу Белград и Приштина и други регионални прашања од Западен Балкан, Мирослав Лајчак и заменик-помошникот државен секретар на САД Габриел Ескобар.
Ескобар за РТС изјави дека загриженоста на луѓето кои се наоѓаат на барикадите на северот на Косово се „легитимни, а во некои случаи и оправдани“.
Тој додаде дека САД го отфрлаат враќањето на српските сили на Косово бидејќи се против, како што вели, милитаризацијата на проблемот, а наместо тоа се залага за дијалог и повтори дека Вашингтон се залага за формирање Заедница на српски општини