Русија тајно дала најмалку 300 милиони долари на политички партии, функционери и политичари во повеќе од 20 земји од 2014 година и планира да префрли уште стотици милиони, со цел да изврши политичко влијание и да влијае на изборите, се вели во резимето на Стејт департментот.
Русија веројатно дала многу повеќе од она што беше откриено, се вели во документот.
„Кремљ и неговите полномошници ги префрлија сите ресурси во обид да го обликуваат надворешно политичкото опкружување во корист на Москва“, се наведува во документот.
Во него се додава: „САД ќе користат официјални комуникациски канали со целните земји за да споделуваат сè уште класифицирани информации за руските активности насочени кон нивното политичко опкружување“.
Документот на Стејт департментот беше испратен до американските амбасади ширум светот во понеделникот за да се сумираат точките на разговор на американските дипломати во разговорите со странски претставници, пишува Њујорк Тајмс.
Нед Прајс, портпарол на Стејт департментот, на прес-конференција во вторникот потврди дека наодите за Русија се резултат на работата на американските разузнавачки агенции. Тој додаде дека руското мешање во изборите е „напад врз суверенитетот“, слично на руската војна против Украина.
„За да се бориме против ова, на многу начини мораме да го ставиме под рефлекторите“, рече тој.
Во документот се наведени блиските соработници на Путин, Евгениј Пригожин и Александар Бабаков (кој има српско државјанство), како вклучени во кампањи за влијание. Во април, Министерството за правда го обвини Бабаков, кој исто така е руски пратеник, и двајца руски државјани за заговор за кршење на санкциите и заговор за извршување визна измама.
Russia covertly gave at least $300 million to political parties, officials and politicians in more than two dozen countries since 2014, and plans to transfer millions more, with the goal of exerting political influence and swaying elections, the U.S. said. https://t.co/FLDCoLs5Yd
— The New York Times (@nytimes) September 14, 2022
Русите плаќаат во готово, криптовалути, електронски трансфери на средства и раскошни подароци, се вели во документот. Тие преместуваат пари низ широк спектар на институции за да го заштитат потеклото на финансиите. Тука спаѓаат институции како што се фондации, организирани криминални групи, политички консултанти, компании и руски државни претпријатија. Парите се даваат и тајно преку сметките и ресурсите на руската амбасада, се наведува во документот.
Во една азиска земја, рускиот амбасадор му дал милиони долари во кеш на претседателски кандидат, се вели во документот. Американските агенции, исто така, открија дека Русија користела лажни договори во неколку европски земји во последните години за да дава пари на политичките партии.
Во документот се предупреди дека во наредните месеци Русија би можела да го користи својот „алат за тајно влијание“, вклучително и тајно политичко финансирање ширум светот, за да се обиде да ги поткопа санкциите врз Русија предводени од Америка и „да го одржи своето влијание во овие региони во услови на војна во Украина “.