Стогодишен маж се самоуби со рачна бомба во вторникот вечерта во Клина, Косово.
Полицијата соопшти дека околу 21 часот и 20 минути било пријавено дека дошло до експлозија во куќа, при што дежурни полициски единици излегле на местото на настанот и таму затекнале лице кое не давало знаци на живот, пренесува „Телеграф“.
Дошло до експлозија во куќа, а по тој повод на лице место излегле надлежните полициски единици и во куќата затекнале лице без знаци на живот“, се наведува во 24-часовниот полициски извештај.
Според познатите информации лекарската екипа која излегла на местото на настанот можела само да констатира смрт.
Со одлука на обвинителството телото е испратено на обдукција, кога ќе се утврдат сите околности на овој настан.