Во Советот за безбедност на ОН веќе втор ден траат преговорите за заедничка декларација за Судан, каде беше изведен воен преврат, бидејќи Русија се противи на острата осуда на пучот предложен од Африканската унија, соопштија вечерва дипломатски извори, пренесува Бета.
– За жал, сè уште немаме консензус, рече претседавачот на Советот за безбедност на ОН, амбасадорот на Кенија, Мартин Кимани, кој на новинарите им појасни дека се обраќа како амбасадор и претставник на Кенија.
Според него, по тешка дебата, Африканската унија зазела цврст став кон Судан и остро го осуди военото преземање на цивилните власти во таа земја.
Поради противењето на Русија на острата осуда во заедничката декларација, формулацијата на осудата беше променета во „длабока загриженост“. Меѓутоа, со таа формулација не се согласуваат ниту Русија и Кина, велат дипломатски извори.