Косовскиот премиер Хашим Тачи на заменикот на американскиот државен секретар Вилијам Бернс му пренесе дека косовската влада и институциите се подготвени да започнат примена на бриселскиот договор.
Тачи истакна дека во завршна фаза се промените во законодавството, кои што се неопходни и истите ќе бидат усвоени во косовскиот парламент.
Тој го информираше Бернс за процесот за нормализацијата на односите со Србија, во согласност со бриселскиот договор и наведе дека двете држави треба што поскоро да започнат да го применуваат договорот.
Тачи му се заблагодари на Бернс за континуираната американска поддршка на Косово во минатото, но и сегашните напори за решавање на проблемите.
Бернс нагласи дека САД ќе продолжи да врши притисок за целосна имплеметанција на бриселскиот договор.
Елена Георгиевска