Компанијата СолПауер создаде прототип влошка за обувки што овозможува полнење на батериите на електричните уреди додека одите.
Специјалната влошка се става во обувката и кабелот се поврзува со батеријата што потоа се прицврстува за ногата. Додека се движите се создава електрична енергија, што ги полни батериите на мобилниот телефон, радио или ГПС уредот.
Рокот на употреба на прототипот е 100 милиони чекори. Целта е да се создаде уред што ќе ја наполни батеријата на „АјФон“ со изодени четири километри.
СолПауер моментално се наоѓа како проект на Кикстартер и има цел да собере 50.000 долари за дополнителен развој на уредот. Досега идејата има обезбедено 13.700 долари, а до крајот на кампањата остануваат уште 40 дена.