Првиот контингент на вакцини против коронавирус на американската компанија Фајзер и Бионтек пристигна во Велика Британија.
Вакцините се однесени во централниот магацин на непозната локација, од каде ќе бидат дистрибуирани до болничките центри за вакцинација низ земјата, пренесува Би-Би-Си.
Велика Британија ја одобри вакцината во средата и порача 40 милиони дози, што ќе биде доволно за вакцинирање на 20 милиони луѓе.
Вакцините се произведени во Белгија и пристигнаа во Британија преку Ла Манш.