Претседателот на собранискиот одбор за Косово, Милован Дрецун денес изјави дека Приштина може да прави проблем за примена на бриселскиот договор, а не и Србите од Косово.
Според него тие може да постават прашања за степенот на нивното учество во примена на договорот и бројот на оние кои ќе учествуваат во тој процес.
Главната пречка, според Дрецун е отстранета, со што на Србите им е загарантирано правото на документи, државјанство и дипломи.
Претседателот на собранискиот одбор за Косово нагласи дека е добро што заедницата на српските општини ќе има и правна гаранција.
-Она што е договорено ќе се реализира, а поинтензивни ќе бидат преговорите и за останатите теми-најави тој.
Елена Георгиевска