Високиот претставник на ЕУ за надворешна политика и безбедност Кетрин Ештон ја поздрави одлуката на Белград и Приштина да го усвојат планот за примена на договорот за нормализација на односите и нагласи дека со тоа не се прејудицира статусот на Косово, јави Танјуг.
– Примената на планот треба да ги реши проблемите на терен и да обезбеди забрзан напредок на Србија и Косово кон ЕУ, рече Ештон.
– Тоа е чекор напред во дијалогот Белград-Приштина со кој не се прејудицираат ставовите на двете страни за статусот на Косово, додаде Ештон.
Таа им оддаде почит на двете страни во дијалогот и додаде дека личното ангажирање на премиерот Ивица Дачиќ и косовскиот премиер Хашим Тачи и во иднина ќе биде неопходно за да се примени договорот.