По отфрлањето на жалбата за владиката будимљанско-никшички Јоаникиј и осумте свештеници на Српската православна црква да бидат пуштени од притвор, голем број граѓани на Црна Гора излегоа на улиците во знак на протест.
Граѓаните вечерва се собраа пред Центарот за безбедност во Никшиќ, откако Веско Пејак бил повикан на информативен разговор.
Полицијата вечерва употребила солзавец на протестната поворка во Никшиќ.
Координаторот на партијата Алтернатива, никшичанецот Веско Пејак, вечерва е повикан на информативен разговор во Центарот за безбедност Никшиќ, поради статус на „Фејсбук“, во кој претходно денеска кажал дека во 18 часот ќе биде пред ЦБ Никшиќ, да искаже револт поради апсењето на свештените лица. Граѓаните ја гаѓаат полицијата со камења и скандираат.
Пејак се појави сам, а брзо му се придружија уште десетина главно млади лица. Пред ЦБ Никшиќ потоа се собрал поголем број граѓани. Собраните скандираат „не ја даваме светињата“, „пуштете го владиката“ и пејат „стана Црна Гора, светињата да се брани мора“.