Речиси 12.000 случаи на заразени од новиот коронавирус се регистрирани во Канада, при што бројот на смртните случаи е зголемен за речиси 20 отсто, според податоците што ги објави државната Агенција за јавно здравје.
Агенцијата на својата веб-страница соопшти дека бројот на заболени се зголемил за околу 16 отсто, на 11.747 од 10.132 ден претходно, а смртните случаи се зголемија на 152 од 127.
Бројот на заразени од Ковид-19 во светот надмина 1.064.000, додека бројот на починати е повеќе од 56.000 луѓе.