Тренерот на Болоња, Синиша Михајловиќ, кој се лекува од леукемија, на денешниот натпревар против Лече, влезе во жесток конфликт со својот фудбалер Гари Медел.
Чилеанскиот „Пит бул“ нервозен што доби жолт картон, му се спротивстави на шефот, па настана и мешаница на теренот. Овој потег на Медел беше критикуван од италијанската јавност. Михајловиќ влезе на терен со цел да го смири играчот, а имаа и физички дуел.
Рикардо Орсолини кој даде два гола, рече дека сето тоа било недоразбирање, и додаде дека Медел бил навистина храбар штом влегол во конфликт со Србинот. Ова се случи во финишот на првото полувреме, па на паузата во соблекувалната проблемот бил решен и тие си подале рака.