Премиерот на Србија, Ивица Дачиќ изјави дека расветлувањето на судбината на повеќе од 12.000 исчезнати од Балканот е важен услов за стабилизација во сите држави на регионот, кои беа вклучени во судирите, соопшти владата на Србија.
Дачиќ со членовите на делегацијата на Меѓународниот Црвен крст разговараше за решавање на проблемот за исчезнатите.
Претставниците на Црвениот крст оценија дека владата на Србија, Министерството за внатрешни работи и Комисијата за исчезнати лица напредувала и воспоставила добра соработка со институциите во регионот, за да тоа болно прашање се реши што поефикасно.
Потребно е да се воспостави механизам за брза размена на информации за судбината на исчезнатите лица, беше истакнато на состанокот на Дачиќ со делегацијата на Црвениот крст.
Во делегацијата биле претставници на Меѓународниот Црвен крст, Лорен Корба, регионалниот координатор за исчезнати лица на Балканот, Лина Милнер и шефицата на регионалната канцеларија во Србија, Драгана Којиќ.
Елена Георгиевска