Потпретседателот на владата на Србија, Александар Вучиќ во разговорот со пратениците од Германија, оцени дека Србија во изминатите шест месеци направи повеќе, отколку во претходните пет години.
-Се надевам и очекувам од Германија поголема поддршка на патот кон ЕУ, но и поддршка за економско заздравување на Србија – истакна Вучиќ во текот на разговорот со пратениците на владеачката германска коалиција.
Разгледани се и резултатите од дијалогот помеѓу Белград и Приштина, како и напредокот на реформите во Србија.
Германските пратеници ги изнеле своите видувања за ситуацијата во Србија и ја пофалиле работата на српската влада во одредени полиња, но изнеле и забелешки на работата на претставниците на власта, особено поради неоткриевање и казнување на сторителите на нападот на германската амбасада во Белград 2008 година.
Елена Георгиевска