Генералниот секретар на ОН Бан Ки-мун денеска го истакна значењето на дијалогот Белград-Приштина и ги повика двете страни да останат посветени на постигнувањето спогодба преку взаемно прифатливо решение.
Во соопштението на Бан Ки-мун, што го пренесува портпаролот на УНМИК, Оливије Салгадо, се наведува дека генералниот секретар е охрабрен од настојувањата на Белград и Приштина да постигнат суштински напредок во контекст на дијалогот што го помага високата претставничка на ЕУ за надворешна политика и безбедност, Кетрин Ештон.
Следната рунда од разговорите е закажана за 20 март во Брисел, се потсетува во соопштението.
Советот за безбедност на ОН, подоцна неделава, на седница во Њујорк, ќе расправа за Косово.