Србија не сака по секоја цена да стане членка на ЕУ, изјави денес претседателот, Томислав Николиќ во текот на разговорот со својот колега од Белорусија, Александар Лукашенко.
До сега можеби изгледаше како Србија да е подготвена да направи се за да стане членка на ЕУ. Денес велам дека има работи кои Србија не е подготвена да ги направи, иако цената е членство во ЕУ –изјави Николиќ, кој се наоѓа во дводневна посета на Белорусија.
Тој нагласи дека Србија има голема желба да се приклучи во унијата и дека ќе направи се што една суверена и самостојна држава може да го направи.
Никој не може да диктира кои се нашите пријатели. Веруваме дека Белорусија е една од нашите најголеми пријатели. Србија настојува да стане членка на ЕУ. Ги исполнивме сите барања на Советот, кои се нормални за секоја држава – изјави Николиќ и додаде дека Србија има проблем во врска со Косово.