Вечерва на „Камп Ноу“ се игра реваншот од осминафиналето меѓу домашната Барселона и екипата на Милан, кој од првиот натпревар одигран на „Сан Сиро“ има убава предност од 2:0.
Во последно време екипата на Барселона не прикажува импресивни партии. „Каталонците“ загубија неколки важни натпревари меѓу кој е и оној од Милан, но и покрај тоа дефанзивецот Герард Пике е уверен дека тој и неговите соиграчи можат до четвртфиналето од Лигата на шампионите.
„Чувствувам дека ќе го надоместиме заостанувањето од Милано и дека ќе поминеме во четвртфиналето. Мислам дека подолг период не сме имале подобри играчи и верувам дека можеме да го стигнеме заостанувањето од 2 погодоци“- изјави Пике.
„Го респектираме Милан. Тие се клуб со богата историја кој освоил многу трофеи, како во Италија така и во Европа. И во првиот дуел „росонерите„ ја покажаа својата сила, но едноставно верувам во себе и во своите играчи“- додал Пике.
Натпреварот меѓу Барселона и Милан се игра вечерва на „Камп Ноу“ во 20:45 часот.