Британската кралица Елизабета останува и понатаму на домашно лекување,по совет на лекарите и не се појави на денешното одбележување на меморијалниот ден на Комонвелтот,во Вестминстер Аби во Лондон.
Претставник на Бакингамската Палата изјави дека кралицата е добро,но дека лекарите инсистирале таа да остане дома и да не се појави на меморијалниот ден,за да може целосно да се опорави од прележаниот стомачен вирус.
Кралицата минатата недела,два дена помина во болница,за да биде под лекарски надзор во санирањњто на последиците од вирусното заболување.
Лекарите советувале кралицата,која идниот месец ке наполни 87 години,да не се појавува во јавноста целата оваа недела,иако претставникот на Палатата не ја исклучи можноста таа на крајот од годинава, сепак, да присуствува на некои од настаните под кралски патронат.
За денот на Комонвелтот кралицата испрати порака до земјите членки на оваа заедница,во која ги истакнува вредностите на Комонвелтот и потребата од нивно постојано реафирмирање. Комонвелтот го сочинуваат 54 земји во кои живее 30 отсто од светското население.На 16 земји члеки,британската кралица Елизабета е и нивни суверен.