Зимата се врати во Шпанија со обилни врнежи од снег и големо намалување на температурите, дури и во јужните провинции Севиља, Кордоба и Хуелва.
Поради големиот студен бран од Атлантикот оваа зима првпат падна снег и во Мадрид.
Во централните и северните реони во текот на минатата ноќ температурата се спуштила под нулата, а во Лерида и Каталонија достигна и до минус 10 степени.
Блокирани се неколку планински премини, а во некои рурални средини во северниот дел од земјата откажана е наставата во училиштата.
Долж брегот на Бискајскиот Залив и Средоземното Море дува силен ветер, кој на моменти достигнува брзина и до 70 километри на час. Брановите се со височина од шест метри.
Метеоролозите за утре во Шпанија најавуваат поројни дождови.