Севернокорејскиот лидер Ким Џонг-ун и американскиот претседател Доналд Трамп денеска треба да пристигнат во главниот град на Виетнам, Ханој.
Виетнам се подготвува денеска да го пречека специјалниот воз на Ким на железничката станица Донг Данг, оддалечена четири километри од границата со Кина.
Трамп синоќа полета од Вашингтон и треба да слета на меѓународнито аеродром Нои Баи.
Американскиот претседател на Твитер објави дека се радува на „многу продуктивен самит“ со Ким.
Севернокорејскиот лидер на 23 февруари тргна од Пјонгјанг со воз во придружба на високи владини претставници и неговата сестра, за во Ханој да стигне на Самитот што е закажан на 27 и 28 февруари.
Ким во Донг Данг ќе пристигне со воз, а потоа до Ханој ќе патува со автомобил.
Самитот во Ханој е прва средба помеѓу Трамп и Ким по „историската средба“ во Сингапур по осум месец, на која ветија дека ќе работат за целосна денуклеаризација на Корејскиот Полуостров.