A1ON Crna Gora www.a1on.me |   Добредојдовте на страната на А1ON.|Среда, Октомври 1, 2014
Навигација: Почетна » Македонија » Во Закон само бранителите, место за ОНА нема

Во Закон само бранителите, место за ОНА нема 

predlog-zakon

ВМРО-ДПМНЕ го достави Законот за посебни права на припадниците на безбедносните сили и на нивните семејства.

Законот е веќе објавен на сајтот на Собранието, и како што се гледа останува многу мегдан и простор и отворени прашања, бидејќи се предлага како закон во прва фаза. Бидејќи експертите коментираат , дека доколку се сакаше да се зтворат сите дилеми и има цврста решеност за вакво решение, тоа можеше да се реши со скратена постапка.

Портпаролот на ДУИ, Бујар Османи вчера соопшти дека тие подготвуваат амандмани, со кои сите права кои се предвидени за безбедносните сили да важат и за поранешната ОНА. Во спротивно рече, сите сценарија се можни.

Дознаваме силен е внатрешниот притисок и незадоволство во ДУИ, а ДПА вчера јасно соопшти дека зстанува заедно со ДУИ против Законот, кој го оценија за лош.

ВМРО-ДПМНЕ со закон предвидува на припадниците на безбедносните сили и на членовите на нивните семејства да им се утврдуваат следниве посебни права: ослободување од учество со лични средства при користење на здравствени услуги; вработување; станбено згрижување; права од областа на образованието; еднократен паричен надоместок; работен стаж во двојно траење; семејна пензија; најниска пензија; сместување во старечки домови, одбележување на местата каде што загинале припадниците на безбедносните сили и одликувања.

Припадникот на безбедносните сили е ослободен од учество со лични средства при користење на здравствени услуги во примарната заштита.

Членовите на семејствата на загинатите и починати припадници на безбедносните сили се ослободени од учество со лични средства при користење на здравствени услуги во примарната и специјалистичко-консултативна здравствена заштита.

Владата на Република Македонија и единиците на локалната самоуправа се должни да обезбедат вработување без јавен оглас во државните органи, јавните претпријатија и јавните установи, на еден невработен член на семејството на загинат или починат припадник на безбедносните сили доколку ги исполнува општите законски услови и условите предвидени за вработување на соодветното работно место.

Право на станбено згрижување имаат воените инвалиди од I до VII група (100% до 50%) воен инвалидитет и членовите на семејството кои живееле во заедничко домаќинство со загинат или починат припадник на безбедносните сили и кои на територијата на Република Македонија немаат во сопственост стан или куќа, ниту користат под закуп стан во сопственост на Република Македонија

Правото на станбено згрижување се остварува со станбен кредит во времетраење од 20 години за купување на стан или куќа, односно изградба на стан или куќа, за разликата во површина, за надградба, продолжување со изградба и довршување на семејна куќа.

Во остварувањето на правото од став 1 на овој член, Република Македонија учествува со 50% од одобрениот станбен кредит како и со 50% од висината на договорната камата за одобрениот кредит.

Децата на загинат или починат припадник на безбедносните сили и децата на воен инвалид од I до VII група воен инвалидитет, имаат предност при запишување во државни средни училишта, под услов да исполнат минимум бодови утврдени со Конкурсот за упис.

Припадникот на безбедносните сили, децата на загинат или починат припадник на безбедносните сили и децата на воен инвалид од став 1 на овој член, имаат предност при запишување во високо образовни установи без плаќање на партиципација, под услов да исполнат минимум бодови утврдени со Конкурсот за упис.

Децата на загинат или починат припадник на безбедносните сили и децата на воен инвалид од член 22 на овој закон, имаат право на стипендија за редовно школување во државните средни училишта и право на стипендија за редовно студирање на високо образовни установи.

Семејството на загинат или починат припадник на безбедносните сили има право на еднократен паричен надоместок за претрпени душевни болки поради смрт на блиско лице, во висина од 50 просечни плати остварени во Република Македонија во месецот кога настапила смртта на припадникот на безбедносните сили.

Воен инвалид има право на еднократен паричен надоместок.

Висината на еднократниот паричен надомест се одредува пропорционално според утврдениот процент на воен инвалидитет и просечната плата остварена во Република Македонија во месецот кога настанал воениот инвалидитет, како што следи:

100% воен инвалидитет………………………………………………150 плати

90% воен инвалидитет…………………………………………………135 плати

80% воен инвалидитет…………………………………………………120 плати

70% воен инвалидитет…………………………………………………105 плати

60% воен инвалидитет…………………………………………………90 плати

50% воен инвалидитет…………………………………………………75 плати

40% воен инвалидитет…………………………………………………60 плати

30% воен инвалидитет…………………………………………………45 плати

20% воен инвалидитет………………………………………………….30 плати

Припадниците на безбедносните сили кои биле вработени или работниот стаж им се пресметувал по друга основа, за периодот од 1 јануари 2000 година до 13 август 2001 година работниот стаж им се засметува со двојно траење.

Брачниот другар, децата и родителите на загинат или починат припадник на безбедносните сили од членот 2 на овој закон, членовите на семејството според членот 7 на овој закон, кога не се исполнети општите услови за право на семејна пензија, стекнуваат право на семејна пензија според овој закон, доколку ги исполнуваат посебните услови утврдени со прописите за пензиското и инвалидското осигурување.

Брачниот другар и родителите на загинат или починат припадник на безбедносните сили имаат предност при сместување во старечки домови со кои управува државата, без партиципација.

Владата на Република Македонија донесува програма и план за одбележување на местата каде што загинале припадници на безбедносните сили.

Владата на Република Македонија ќе му предложи на Собранието донесување на одлука за изградба на централен споменик на загинатите и починатите припадници на безбедносните сили во централното подрачје на град Скопје.

Припадниците на безбедносните сили, како и загинатите и починатите припадници на безбедносните сили, може да се одликуваат за одбрана на суверенитетот на Република Македонија во согласност со Законот за одликувањата и признанијата на Република Македонија.

ВМРО-ДПМНЕ прецизираат и дека за загинат припадник на безбедносните сили се смета припадник на безбедносните сили кој загинал во вооружени дејствија против вооружените екстремистички паравоени групации.


  1. agim

    Dui ne iskaca od vlada pa sto i da se desi a i jas kako albanec sum za da se donese ovoj zakon za braniteli

     
  2. Ilir

    Ajde so Sreka neka Noviot zakon Dui sega moze samo da se slika so negovite tenderi sto gi sobra troskite na Gruevski

     
  3. Prasanje

    Treba site da bideme iskreni i da si pogledneme vo oci, bez krienje na vistinata, bez krienje na faktite, bez lazen optimizam. Toa si go dolzime i sebe si, no i na onie koi se okolu nas, na nasite prijateli, ili na graganite generalno, koi ziveat vo lazen svet na iluzii deka ovaa vlast ke bide demisionirana pod pritisok na SAD. Vistinata e sledna, SAD so site sili ja poddrzuvaat ovaa vlast i bas poradi poddrskata na SAD ovaa vlast egzistira i den denes. Ali Ahmeti ke prodolzi da bide poslusen covek na SAD i ke go pravi seto ona sto ke mu bide kazano od strana na SAD. Dokolku SAD sakaa segasnata vlast ke padnese uste mnogu odamna, no, ne samo sto SAD ne go sakaat toa tuku sesrdno , so site sili i pomagaat da opstane i opstoi kako takva so segasniot koaliciski kontinuitet i politiki. Zatoa klucnosta na odlukite povrzani so opstanokot na segasnata vlada i koalicija e poveke vo Vasington otkolku vo dvorot na DUI vo Mala Recica. SDSM kako opozicija, do sega, a se raboti za poveke od 6 godini, ne uspeala da se nametne kako biten element za establismentot vo Vasington i za toa e vinoven samiot SDSM. Do sega bevme svedoci na sesrdna amerikanska poddrska za DS na Boris Tadic iako partijata na Nikolic, prvo radikalnata a sega SNS pobeduvase vo skoro site izborni ciklusi vo Srbija od padot na Milosevic, so nemoznost da oformi svoja vlada, bidejki pod amerikanski pritisok, nitu edna partija ne sakase da koalicira so niv. Toa gazenje na voljata na graganite na Srbija traese mnogu dolgo i bese opravduvano so opasnosta od srpsko zastranuvanje vo patot kon evro-atlanskite integracii. Ocigledno vo makedonskiot slucaj toa ne vazi, bidejki amerikanskata poddrska za koalicijata na vlast e ocigledna. Ova sto sega se slucuva e samo edna igra za bildanje na rejtingot i nisto poveke. Strasno ke e dokolku opozicijata ocekuva SAD koi ja poddrzuvaat ovaa vlast da predizvikaat nejzino paganje. Opozicijata treba da se trudi da se nametne kako biten faktor vo ocite na ” policy makerite ” vo SAD dokolku ocekuva amerikanska poddrska, se do togas site nie ke bideme svedoci na nejzinata anemicnost.

     
  4. Barak Obama

    ke ima izbori za skoro vreme ko se gleda ili pak na ova dui ke popusti pa nesto drugo ke bara,,,,,,kako sto kazaa se e vo igra

     
  5. Bukefal

    Леле, леле, на овие од ДРПМНЕ ги здоболело за бранителите! Додуша толку не им е гајле за нив, со ова они само се обидуваат да исценираат предвремени избори по предизвиците што следат за да побегнат од одговорност – ОГРОМНАТА СКАПОТИЈА и СИРОМАШТИЈА и БАНКРОТОТ што ќе следи! Е сега ВМРО-вчиња, патриоти, сите што јадевте гомна дека нечини во ЕУ и НАТО да се влезе ќе видиме што ќе јадете, ќе бркате комарци и ќе пасете трава, ете ви го ДРПМНЕ!

     
  6. lav

    ABE BRANITELI STO DOBIVATE SO OVOJ ZAKON ZA ZAGINATITE I RANETITE PARI KOLKU ZA VRBITE VI vARDAR,A ZA ZIVITE EDNO GOLEMO NISTOOOOO KE VIDIME KOJ NAREDNIOT PAT KE MRZNE PO ROVOVI KOGA aLI KE ZAPUKA NEKA SI GO VODAT lATAS I KOMPANIJA DA JA BRANI DRZAVATA DA ZIVEE GENERALOT aNGELOV VAKOV ZAKON DA NE SE PRIFAKA OD sdsm.

     

Оставете коментар

 

А1 он нема да објавува содржини кои што содржат повикување на верска, расна, национална омраза, содржат директни повици на насилство или пак дискриминираат по основ на родова, социјална, етничка припадност или сексуална определба. А1 он нема да дозволи коментари на корисници кои што содржат говор на омраза. Оваа обврска не се однесува на објавување на документи, изјави или друг новинарски материјал во пренесен или на друг начин достапен во изворна форма за пошироката публика.

Facebook

Get the Facebook Likebox Slider Pro for WordPress