Здравство: Ако хронично болните не стигнат да посетат специјалист до 23 септември, ќе се пролонгира рокот

Од:

Министерството за здравство информира дека на минатонеделниот состанок на министерот Филипче со претставниците на здруженијата на пациенти е утврдено и заедно со здруженијата договорено хронично болните, до 23-ти септември да посетат специјалист и да добијат потврда со која поради нивната дијагноза и состојба нема да можат да се вратат на работа.

За да можат да го реализираат тоа, пуштени се дополнителни термини во Мој Термин и е-амбуланта, а доколку до 23 септември овие пациенти не стигнат да ги обезбедат потврдите, рокот ќе биде пролонгиран. Со ова ќе се овозможи секој пациент, кој навистина треба да биде ослободен од работа, да посети специјалист и да ја добие соодветната потврда.

Како што беше наведено минатата недела по средбата, станува збор за широка категорија и за да се избегне злоупотреба на системот, лекарот специјалист врз основа на својата експертиза и состојбата на пациентот ќе процени дали тој може да се врати или ќе добие потврда дека е ослободен од работа.

За потребите на системот, направена е измена на правилникот за боледување во Фондот за здравствено осигурување и значително се олесни процедурата со која се овозможува лекарот специјалист да даде потврда за отсуство од работа во времетраење од 6 месеци.

Со препораката на Комисијата за заразни болести и одлуката на Владата и натаму ќе бидат заштитени најрзичните категории. Според одлуката, оние кои навистина треба да бидат дома, остануваат дома и целосно ќе се избегне злоупотреба на системот. Согласно истата одлука, ослободени од работа ќе бидат и бремени жени до крајот на годината, односно до 31 декември.

Би можело да ве интересира

Грип, ковид и инфекции на дишните патишта ги полнат амбулантите и болниците

Владата го утврди текстот на Предлогот на закон за финансиска поддршка на социјално ранливи категории на граѓани

Антикризни мерки: Учениците ќе добиваат од 1.200 до 1.800 денари месечно, по 3.000 денари за пензионерите со ниски пензии

Орце Костов

Над 1000 рецепти за хронична терапија препишани за еден ден

Матичните лекари ќе препишуваат терапија за најчестите хронични болести

Катерина Ѓуровски

Ковид-19 од денес е обична заразна болест, укинати и последните мерки за носење маски

Орце Костов