Учесниците на најпознатата велосипедска трка во светот „Тур де Франс“ во просек живеат шест години подолго од останатите граѓани и сосема мал број од нив имаат кардиоваскуларни проблеми, тврдат експерти.
Истражувањето е презентирано на конгресот на Европското кардиолошко друштво, а ги опфаќа сите 786 француски велосипедисти, кои учествувале во трките од 1947 до 2012 година.
-Би требало да ги охрабриме луѓето повремено да се напрегаат до границата на своите можности. Доколку постои опасност од вежбање со големи напори, ќе го забележавме тоа во нашето истражување – изјави Хавиер Јоувен.
Освен што имаат подолг животен век, учесниците на оваа трка имаат и помал ризик да заболат од други болести.
Елена Георгиевска