Тунтев: Бараме одговорност за настанатите грешки и пропусти со градбите кај Плаошник

Од:

Претседателот на Општинската организација на СДСМ во Охрид, Томислав Тунтев на денешната прес – конференција потсети дека партијата била во право кога во изминатиов период зборуваше за бескурпулозниот, како што го нарекоа, армирано – бетонски атак врз Плаошник.

СДСМ реагираше пред повеќе од година и половина, кога веќе беше забележливо дека изградбата на објектите на Плаошник го надминува габаритот на првобитниот проект. Реагиравме минатата година и во локалната самоуправа со советнички прашања; укажувавме, анимиравме, ги повикувавме надлежните да реагираат; зимата баравме да ни организираат средба со стручната комисија од УНЕСКО. Но, власта остана глува, очигледно водејќи се исклучиво од свој интерес, а јавноста остана без било каква валидна информација. Дури власта тогаш тврдеше дека не постојат извештаи со забелешки на УНЕСКО – истакна Тунтев на денешната прес – конференција.

Тунтев додаде дека според стручните препораки во извештајот на УНЕСКО, тоа што се гради на Плаошник може да има сериозни негативни влијанија врз постоечкиот локалитет. УНЕСКО укажува дека е неопходна сериозна и значајна ревизија на проектот за изградба на сосема несоодветните армирано-бетонски зданија.

Ние сакаме да веруваме дека конечно одговорните лица во надлежните институции во државава ќе се вразумат, дека ќе ги преземат сите неопходни мерки и активности во согласност со препораките на УНЕСКО и дека конечно ќе престане загрозувањето и уништувањето на нашето природно, културно и историско наследство на Плаошник (Имарет) во Охрид – додаде Тунтев.

Од СДСМ очекуваат дека ќе биде лоцирана и конкретна одговорност за настанатите грешки и пропусти, и дека јавноста ќе биде информирана кој ќе сноси одговорност.

Не смееме никогаш повеќе да доаѓаме во ситуација странци (туѓинци) да не‘ учат и да ни кажуваат како треба да се грижиме за нашето вековно природно, културно и историско наследство, затоа што тоа е завет до нас од нашите славни предци и залог за нашите идни генерации.СДСМ и понатаму внимателно ќе ги следи состојбите на Плаошник (Имарет) и ќе продолжи да делува во насока на доследно почитување на нашите вековни духовни и световни традиционални вредности – рече Томислав Тунтев, претседател на СДСМ во Охрид.

Би можело да ве интересира

Костадиновска-Стојчевска: Ги исполнуваме препораките на УНЕСКО и заеднички овозможуваме трајна заштита на Охридскиот регион

Мониторинг-мисијата на УНЕСКО на проценка во Охрид

Кражбата во средното училиште во Охрид ја извршила ученичка

Стоилковски: Непотизам во Охрид, роднината на Зечевиќ главен кадровик на СДС во општината

Катерина Ѓуровски

Ученици од прва до четврта година принудени да плаќаат за наметки и капи за матурантите

Орце Костов

Левица: Јавните претпријатија повторно во загуба иако ги покачија цените врз грбот на охриѓани