На 09 февруари 2019 година, со почеток во 20:00 часот во Jazz club ДЕПО, Здружението за развој на култура и заштита на културното наследство „Контекст – Струмица“ во соработка со Светското поетско движење (World Poetry Movement) се приклучуваат на новата глобална акција „Свет без ѕидови“ и со тоа ја мапираат Струмица како дел од градовите во светот кои ја подржуваат оваа иницијатива и самото меѓународно поетско движење.
Македонија е учесник во ова движење со организација на два поетски настани во Скопје и Струмица. На настанот во Струмица ќе настапат: Сузана Мицева, Ѓорги Калајџиев, Вања Изова Велева, Стефчо Стефанов, Наташа Василевска – Трајчевска и Митко Гогов (модератор).