Сиера Леоне не ги продолжува тридневните изолациски мерки во борбата против ебола

Од:

Тридневните ограничувања за населението во Сиера Леоне, кои беа воведени за да се спречи ширењето на најтешката епидемија од ебола во историјата на земјата, овозможиле да бидат откриени 56 нови случаи на зараза и според неофицијални податоци биле пронајдени 92 тела.

Иако властите не успеале да стигнат до некои градски реони, карантинот нема да биде продолжен, соопшти Стивен Гаоџија, шеф на Центарот за итни операции, кој раководи со процесот за борба против болеста, додавајќи дека во суштина „целта е постигната“.

Власта во Сиера Леоне на целото шестмилионско население во земјата му забрани да излегува три дена од своите домови без специјална дозвола. За тоа време, доброволци оделе по куќите и давале информации за вирусот, но и ги изнесувале починатите.

Синоќа, неколку часа пред да истече рокот на забраната, жители на некои квартови во главниот град Фритаун излегле на улиците, за да го прослават со песни и танци истекот на ограничувањата.

Во текот на овие три дена некои граѓани се пожалиле дека имало и недостиг на храна, а Светската програма за исхрана на ОН соопшти дека испратила 20.000 пакети со храна за најзагрозените.

Во Сиера Леоне од смртоносниот вирус досега починаа над 560 луѓе.

Би можело да ве интересира

Во два региона на Уганда воведен карантин поради епидемија од ебола

Во Уганда 29 лица починаа од ебола, меѓу нив и здравствени работници

Катерина Ѓуровски

Во Уганда 16 лица заразени со ебола од почетокот на епидемијата

Ана Ололовска

Во Уганда прогласена епидемија на ебола, почина 24-годишен маж

Ана Ололовска

СЗО: Втората епидемија на ебола годинава во Демократска Република Конго прогласена за завршена

А1он

Тедрос: Гвинеја ја победи еболата, утре очекувам крај на епидемијата

Жарко Настоски