На денешниот конгрес во Букурешт, челните луѓе на Европската ракометна федерација (ЕХФ) му врачија признание на генералниот секретар на Ракометната федерација на Македонија (РФМ) Филип Милошевски, за особен придонес во ракометот низ организацијата на Европскитепрвенства.
Наградата на Милошевски му ја врачија претседателот на ЕХФ Жан Брио и генералниот секретар на ЕХФ Мајкл Видерер, препознавајќи ја РФМ како „ТОП организатор на европски натпреварувања“.
Потенцирајќи ја добрата организација на последното женско Европско првенство до 17 години што летово се одржа во Скопје, Македонија стана 15. земја во Европа што го добила овој престижен епитет.