„Со вчерашното соопштение до јавноста, ВМРО-ДПМНЕ конечно призна каква штета им се нанесе на евроатланските перспективи на Република Македонија со срамниот чин од 24 декември, кога пратениците и новинарите беа исфрлени од Собранието на РМ.
– Дури сега сфатија дека е „загрозена препроаката на Европската комисија за почеток на преговори со Република Македонија за полноправно членство.
– На тој црн понеделник на Груевски и ВМРО-ДПМНЕ им беше најважно по секоја цена да се донесе буџетот и законите за задолжување на државата за да не се соочат со банкрот и оставка на Владата.
– Груевски многу добро знаеше дека доколку не се донесе буџетот и законите за задолжување немаше да има можност да ги врати 185-те ммилиони евра од еврообврзницата, немаше да може да го финансира проектот „Скопје 2014“ и немаше да има можност да ги поткупува гласачите за ликалните избори 2013-та година. Во една таква ситуација државата требаше да објави банкрот, а Владата да си поднесе оставка.
– Тоа е вистинската причина за бруталното насилство врз новинарите и пратениците на 24-ти декември 2012-та година, што како камен околу вратот му виси на Груевски по мартовскиот договор со еврокомесарот Филе“, пишува во соопштението од НСДП.