Могерини: 2018 ќе биде клучна година за Балканот

Од:

Новата 2018 година ќе биде клучна година за Балканот со цел европска интеграција и реформите да се направат неповратни, смета високата претставничка за надворешна политика и безбедност во Европската унија, Федерика Могерини.

Таа на нејзиниот блог наведе 12 посебни моменти кои ја обележале нејзината 2017 година, кои сака да ги понесе со себе и во Новата година.

– Ова не беше лесна година за Балканот. Посетив шест главни градови во регионот во некои од најтешките моменти – во некои случаи, моменти на длабока политичка криза, напиша високата претставничка за надворешна политика и безбедност во ЕУ.

Таа наведе дека, денес благодарение на важните одлуки и големиот труд повеќето од кризите се решени.

– Патот кон реформите повторно започна (иако се уште има многу работа), а компасот на европските интеграции го покажува тој пат, напиша Могерини.

Според неа 2018 година ќе биде клучна за овој пат да се зацврсти и да се направи неповратен, што би било важен резултат не само за регионот, туку и за цела Европа.

– Беше ова тешка година за светот, но како и сите други години и 2017 години ни донесе и добри моменти и некои добри работи – работи кои ги постигнавме со голема посветеност, енергија и голема тимска работа, напиша Могерини.

Таа меѓу моментите кои ја одбележале минатата година, ги истакна одбележувањето на 60-годишнината од ЕУ, создавањето на европската одбрана, соработката со земјите од Африка за миграцијата, Самитот на Источните партнерства, поддршката на ЕУ за нуклеарниот договор со Иран, Конференцијата за иднината на Сирија, и друго.

Би можело да ве интересира

Ахмети: Александар Дугин, главата на руските политики има партија во Македонија

Нови промени за сообраќајните казни во ЕУ: Никој веќе нема да може да ги избегне

ЕУ постигна привремена спогодба за нови правила за трговија со огнено оружје

СДСМ: ЕУ е единствен патоказ за подобра македонска иднина

А1он

Европската Комисија ќе обезбеди општи рамковни услови за почеток на преговорите со Украина за пристапување во ЕУ

Според Индексот на човечки развој Југоисточниот регион на земјава најнеразвиен во цела Европа