Македонската кошаркарска федерација (МКФ) го договори ангажманот на кондициониот тренер од Италија Џакомо Браида кој треба да се грижи за физичката подготовка на репрезентативците.
– Македонската кошаркарска федерација за потребите на едукација на својот тренерски кадар, со специфичен акцент на физичката подготовка го ангажира Италијанецот Џакомо Браида, кој доаѓа по консултациите со Сандро Беркардино, докажаниот пријател на македонската кошарка, во тој дел на работата, стои во известувањето од МКФ.
Македонија во септември ќе настапи на Европското првенство, а задача на Браида е да ја темпира физичката форма на нашите кошаркари како би го издржале напорниот ритам со оглед на распоредот и силните противници.
„Црвено – жолтите“ ќе играат во Ц-групата во Загреб заедно со репрезентациите на Хрватска, Словенија, Грција, Грузија и Холандија.