Мјанмар амнестираше политички затвореници

Од:

Мјанмар амнестира 46 затвореници, од кои над 20 се политички, пренесоа светските агенции, повикувајќи се на официјалните медиуми и активисти во оваа земја.

Претседателот Тејн Сејн им дал амнестија на 37 мажи и девет жени, соопшти денеска весникот „Њу лајт оф Мјанмар“. Цел на мерката е да се гарантира стабилноста на државата и националното помирување, и на сите да им дозволи да учествуваат во политичкиот процес.

Над 20 од амнестираните се политички затвореници, прецизира претставник на опозицијата, кој исто така лежел во затвор. Тој, меѓутоа, подвлече дека активистите ќе продолжат да работат за ослободувањето на сите политички затвореници.

Лидерката на продемократската опозиција во Мјанмар Аун Сан Су Чи повика да се пуштат на слобода 330-те политички затвореници, кои и натаму остануваат зад решетки.

Најмалку 659 политички затвореници, од кои многу се познати личности, беа ослободени во Мјанмар во последната година, посочува меѓународната организација за правата на човекот „Хјуман рајтс воч“. Тоа е дел од продемократските реформи, почнати од новата цивилна влада, која стапи на должноста во март 2011 година.

Би можело да ве интересира

Почнува новата етапа на демократија во Мјанмар

Емир Латифовиќ

Во Мјанмар ослободени 101 политички затвореници

Емир Латифовиќ

Завршувањето на мировниот процес ќе биде примарна задача на новата власт во Мјанмар

Емир Латифовиќ

Сегашните министри во Мјанмар ќе ги пакуваат куферите, бирократите ќе останат на своите места

Емир Латифовиќ

Во Мјанмар се вжештува предизборната кампања

Емир Латифовиќ

Амнестија за 6.966 затвореници во Мјанмар

Емир Латифовиќ