Меланија Трамп бара смена на заменичката советник за национална безбедност

Од:

Првата дама на САД Меланија Трамп побара Белата куќа да ја прекине соработката со заменичката советник за национална безбедност Мира Рикардел, изјави портпаролката на Канцеларијата на сопругата на американскиот претседател Стефани Гришам.

Рикардел, којa беше ангажиранa во април од страна на советникот за национална безбедност Џон Болтон, наводно се судрила со членовите на персоналот на првата дама околу седиште во авионот при неодамнешната посета на Меланија Трамп во Африка.

– Ставот на канцеларијата на првата дама е дека таа веќе не ја заслужува честа да служи во Белата куќа, изјави Гришам.

Персоналот на Источниот крило, наводно, се жалел дека Рикардел се расправала со нив во врска со користењето на ресурсите на Советот за национална безбедност. Рикардол, исто така, споделила спорен извештај со шефот на кабинетот на Белата куќа Џон Кели и секретарот за одбрана Џим Матис, наведува „Гардијан“.

Рикардел, родена како Радиеловиќ, по потекло од Хрватска, од 1989 до 1996 година беше помошничка на лидерот на републиканците во Сенатот на САД Боб Дол.

Би можело да ве интересира

ВИДЕО: Крвав напад со нож во САД, четворица мртви

САД воведоа санкции за ентитети кои наводно им помагале на Хутите и Хезболах

САД бара од Украина да ги запре нападите врз руските рафинерии

(ВИДЕО) Пресметка меѓу мигрантите и Националната гарда на Тексас кај Ел Пасо

ВИДЕО: Американската милјардерка која со Тесла излета во езеро и се удави била пијана

Малолетник убил девојче со 114 убоди од нож, сега му се заканува доживотен затвор

Горан Наумовски