Макрон: 7 април да биде ден за комеморација на жртвите од геноцидот во Руанда

Од:

Претседателот на Франција, Емануел Макрон предлага 7 април да се прогласи за национален ден на комеморација за жртвите од геноцидот во Руанда, соопшти денеска канцеларијата на францускиот претседател.

Во Руанда денеска се одбележува 25-годишнината од геноцидот во оваа земја, кога беа убиени 800.000 Тутси во период од сто дена.

Макрон не присуствува на денешната официјална комеморација за жртвите од масакрот, а негов претставник е Ерв Бервил, припадник на народот Тутси, кој го преживеал масакрот и е член на францускиот Парламент.

Претседателот на Руанда, Пол Кагаме ја обвинува Франција дека била соучесник во крвопролевањето. Париз призна грешки во врска со однесувањето кон Руанда, но ги негира обвинувањата дека Франција ја обучувала полицијата која учествувала во масакрот.

Макрон формираше истражен тим кој треба да ја утврди улогата на француската војска во геноцидот.

Би можело да ве интересира

Франција ја подигна безбедноста на највисоко ниво

Во Франција се уапсени 13 лица осомничени дека се членови на нарко-банда од Марсеј

(ВИДЕО) Драма во Франција: Поплава однесе татко и две деца

Франција абортусот го прогласи за уставно право

ВИДЕО: Во Франција горат 900 тони литиумски батерии

Во Франција, бројот на случаи на сифилис се зголеми за 110% за две години