Бројот на жртвите во силниот земјотрес кој во вторникот го погоди североисточниот дел на Италија се искачи на 16, а повредени се повеќе од 350 луѓе, пренесуваат италијанските медиуми.
Едно лице се води за исчезнато, а спасувачките екипи и понатаму работат на откопување на рушевините и им помагаат на загрозените.
Сеизмолошките апарати бележат потреси скоро цел ден, а најјакиот беше со јачина 5.8 степени. Претходно истата област беше погодена од земјотрес со јачина од 3.9 степени. Сеизмолозите предупредиле дека најверојатно ќе следат дополнителни земјотреси, дури и такви со поголем интензитет.
Околу 14 илјади луѓе останаа без домовите, кои се разрушени во вчерашните земјотреси.