Грција: 102 починати од Ковид-19, 1.395 новозаразени

Од:

Изминатата седмица, конечно имаше стабилизирање на најтешките индикатори на пандемијата, односно на нови пациенти приклучени на апарати на дневно ниво и на смртните случаи во земјата, рече професорката епидемиолог и член на надлежната комисија во Министерството за здравство на Грција, Вана Папаевангелу на денешната редовна прес конференција за состојбата со коронавирусот, јави дописничката на МИА од Атина.

Во последните 24-часа во Грција се регистрирани 102 смртни случаи и 1.395 новозаразени, а Папаевангелу рече дека рестриктивните мерки, конечно носат резултат, а се забележува и намалување на новите случаи, кои во изминатите седум дена се во просек по 1.500 дневно.

Професорката објасни дека постојат две главни причини што ја загрижуваат Комисијата на епидемиолози и ја спречуваат да препорача укинување на мерките за време на новогодишните и божиќните празници.

Првата е исполнетиот капацитет на Одделите за интензивна нега, што заклучно со вчера беше 82 отсто, а втората причина е големиот број активни случаи во Грција особено во северниот дел на земјата.

За активните случаи, професорот епидемиолог Гикас Мајоркинис рече дека постои намалување во целата земја и истакна дека намалување има и во однос на новозаразените.

Во областа Атика, поширокиот регион на Атина, намалувањето е за осум до десет отсто на новите случаи, додека пак во Солун достигнува дури и до 30 проценти.

Од почетокот на епидемијата во Грција се регистрирани вкупно 122.648 позитивни случаи, а починаа 3.472 лица.

Би можело да ве интересира

Свештеникот од Солун е осомничен дека ги оштетил верниците за повеќе од еден милион евра

30.000 луѓе на улиците во Грција на годишнината од страшната железничка несреќа, избувна нереди

Герапетритис: Потребно е доследно, строго и целосно почитување на Договорот од Преспа

Орце Костов

Земјотрес во Грција

(ВИДЕО) Грција, прва православна земја која дозволи истополови бракови – Лидерот на СИРЗА прослави во Геј бар

Анита Петровска Рајковиќ

Грчките земјоделци со симболични блокади на граничните премини „Ники“ и „Евзони“ со Македонија