Гази Баба, Центар и Аеродром најпогодени од невремето

Од:

Општините Гази Баба, Центар и Аеродром се најпогодени од синоќешното невреме што го зафати главниот град. Ова денеска го истакна скопскиот градоначалник Коце Трајановски по итната седница на Координативното тело на градоначалниците на скопските општини.

– Екипите на Град Скопје, на сите јавни градски претпријатија, во соработка со Дирекцијата за заштита и спасување и Министерството за транспорт и врски, работеа до раните утрински часови за да се отстрани насобраната вода на критичните точки и да се овозможи нормален проток на сообраќајот, рече Трајановски.

Информира дека досега штети пријавиле 90 граѓани, со кои било контактирано синоќа и денеска.

– Во пресрет на најавеното невреме за денеска со моите колеги градоначалници се договоривме сите скопски општини да ги активираат своите кризни штабови и да се вклучат во активностите за расчистување на евентуалните последици, рече Трајановски.

Тој појасни дека екипи на јавните претпријатија се веќе на терен и оти се подготвени да не дозволат насобраната вода да предизвика штети.
– Сметам дека сме подготвени да се справиме со последиците од евентуалното невреме, изјави по средбата Трајановски.

Потсети дека од поплавените подвозници, по синоќешното невреме се извлечени седум автомобили, кои им се предадени на сопствениците. Упати апел граѓаните да не фрлаат отпад во канализација за, како што рече, да се овозможи правилно функционирање на атмосферската канализација.

– Град Скопје и ЈП „Водовод и канализација“ веќе прават анализи на кои критични точки треба итно да се зголеми профилот на атмосферската канализација за да се олесни протекувањето на водата по обилни дождови, рече Трајановски.

Би можело да ве интересира

На Малта ненадејно избувна невреме, загина нуркач, спасени 17 туристи

ВИДЕО: Град со големина на орев го погоди Гевгелиско

(ВИДЕО) Снег ја зафати Србија: Се очекува да наврне до 20 сантиметри, завеан е и автопатот Милош Велики

А1он

Утре и в недела на планинските превои возете внимателно, со зимска опрема и доволно гориво, апелира ЦУК

А1он

Најмалку четири лица загинаа во невремето во САД, илјадници луѓе без струја

Горан Наумовски

ЦУК: Од силен ветар паднати и оштетени кровови, фасади, дрвја, оштетени автомобили, пожари

Предраг Петровиќ