За сите љубители на тесто ова е нешто ново и неодоливо …
Потребно е:
1 главица кромид
2 чешниња лук
1 морков
500 гр мелено месо
100 мл црвено вино
200 мл домати пелати во конзерва
100 гр рендан кашкавал
40 гр изрендан пармезан
1 јајце
готово тесто за пица
оригано, босилек
Подготовка:
– Кромидот ситно исецкајте го и пропржете го на малку масло. Додадете ги ситно сецканите лукчиња.
– Морковот изрендајте го на ситно ренде и додадете го во тавата. Поклопете го садот и кратко динстајте.
– Додадете го месото и пржете го додека да добие боја. Сипете го и црвеното вино и оставете да испари.
– Сега додадете ги пелатите од конзерва и зачините и оставете да се динста барем 30 минути.
– За тоа време тестото за пица малку истенчете го.
– Кога ќе биде готов филот од месо, земете неколку лажици од филот и ставете на едната половина на секој круг од тесто. Посипете со изренданиот кашкавал и поклопете го со втората половина. Краевите притиснете ги со вилушка
– Потоа премачкајте ги со изматено јајце и посипете со изрендан пармезан.
– Наредете ги во тава обложена со хартија за печење и ставете да се печат во загреана рерна на 200 целзиусови степени околу 20 минути.