Црвен Ферари 250 ГТО од 1962 година е продаден на аукција во Монтереј, Калифорнија за 38 милиони долари со што стана најскапиот автомобил во светот продаден на јавно надавање.
Ферари го собори рекордот на Мерцедес В196Р Формула 1 од 1954 година, што минатата година беше продаден за 30 милиони долари.
Продаденото Ферари 250 ГТО оригинално е дизајнирано за трки. Ова е прв Ферари од ГТО серија што е понуден на аукција по повеќе од десет години, а моделот 250 е еден вкупно 39 за кои се знае дека се произведени. Името на новиот сопственик не е објавено.