Најголемото панорамско тркало во светот наголемо се гради на вештачкиот остров Блувотерс, во близина на брегот на Дубаи.
Оваа 210 метри висока атракција што ја гради „Meeras Holding“, ќе го потисне на второто место досегашниот рекордер, „High Roller“ во Лас Вегас (167,6 метри).
Панорамското тркало во Дубаи ќе има 48 луксузни капсули што можат да примат 1.400 посетители и да понудат поглед на највисоките знаменитости на градот, како што се Бурџ Ал Араба, Палм Џумејр и Бурџ Калифа.
На тркалото ќе биде монтиран 80 метри висок ЛЕД екран што треба да го направи единствена електронска платформа за прикажување филмови, реклами и интерактивни информации.
Во неговото опкружување ќе биде отворено шеталиште со мали ресторани и продавници кои нудат свежи производи.
Островот Блувотерс на кое се гради панорамското тркало ќе има и хотел со пет ѕвездички.