Документарци и дискусија за животот на луѓетo со попречености во Кино Култура

Од:

Во Кино Култура, вечерва, од 20 часот ќе бидат прикажани документарните филмови „Престап“ и „Ќе те носам покрај брегот“.

„Престап“ на Весна Ристовска, Ѓорги Пулевски и Симон С. и е еден вид на видео архивирање на институциите во Битола кои имаат или немаат обезбедено пристап за лицата со попреченост. Паралелно со кадрите од институциите е и интервјуто со Д-р Нико Јанков, кој 35 години се занимава со оваа проблематика.

„Ќе те носам покрај брегот“ е документарен словенечки филм, приказна за еден посебен пар, со попречености. Нина има целебрална парализа, која што ги грчи нејзините мускули, па е во инвалидска количка, а Домен доживеал тешка сообраќајна несреќа пред осумнаесет години, која го „обележува“ до крајот на животот. И двајцата поради нивните физички ограничувања знаат како е да си различен во очите на другите.
Филмот навлегува во интимата и врската на парот, со акцент на нивниот одмор на море, кога тие се првпат сами, првпат на море и првпат како и „сите други“, т.е. како останатите „нормални“ двојки.

По филмовите следи дискусија со Благој Ѓоргиев, активист, модерирана од Ѓорги Пулевски.

Би можело да ве интересира

(ВИДЕО) Муамер Абедин, самоук музичар на повеќе од десет инструменти: Научив да свирам од велешката чалгија во која уживал и турскиот султан

Орце Костов

Костадиновска-Стојчевска објасни: Не финансираме фестивал во Косово, туку наши театри кои ќе учествуваат

А1он

Детска интерактивна музичка претстава „Операта на шумските животни“ во НОБ

Предраг Петровиќ

Отворање на изложбата „Носиме уметност“

„Кавалерија рустикана“ од Пјетро Маскањи во НОБ

Во Битола премиера на театарската претстава „Вујко Вања“

Предраг Петровиќ