Мечот во двојки меѓу Македонија и Грција ќе го реши победникот во овој дуел од полуфиналето од Третата Европска зона од Дејвис купот што се игра во Сан Марино.
По двата меча во поединечна конкуренција резултатот е 1:1. Поведе Македонија откако Предраг Русевски го совлада Маркос Каловелонис со 2:1 во сетови (6:4; 4:6 и 6:3). Овој меч поради дожд беше во прекин во вториот сет.
Во вториот меч Шендрит Деари загуби од Александрос Јакуповиќ со 2:0 во сетови (7:5 и 6:2).
Во игра во двојки за Македонија ќе настапат Русевски и Стефан Мицов, а за противникот Каловелонис и Јакуповиќ.
Победникот од дуелот од полуфиналето ќе избори пласман во Втората Евроафриканска зона за следната година.