Боливиските власти го отфрлија како неосновано барањето на САД за екстрадиција на поранешниот соработник на американската Агенција за национална безбедност Едвард Сноуден, оценувајќи дека тоа нема правна смисла бидејќи тој не се наоѓа на територија на Боливија.
Министерството за надворешни работи објави дека барањето ќе биде веднаш вратено на САД.
Авионот на боливискиот претседател Ево Моралес, кој се враќаше од посета на Русија, беше принуден да слета во Виена, откако Франција и неколку европски земји музабранија прелет низ нивниот воздушен простор по сомневањето дека во него се наоѓа Сноуден.
– Боливија сака да потврди и категорично да повтори дека Сноуден не се сретнал со Моралес во Русија, ниту пак се качил на неговиот авион, нитусе наоѓа на боливиска територија, се наведува во соопштението на Министерството.
Во соопштението се изразува големата огорченост на Боливија поради фактот што барањето е упатено истиот ден кога претседателот Моралес беше илегално задржан поради неосновано сомневање.