Магазинот „Тајм“ ја избра Меркел за личност на годината

Од:

Директорката на магазинот „Тајм“ Ненси Гибс објави дека германската канцеларка Ангела Меркел, „жената која ја менаџираше должничка криза и предизвика многу контроверзи со отворање на границите на Германија за бегалците“, е избрана за личност на годината.

Како што дописникот на МИА од Берлин, според магазинот, 61-годишната Меркел е избрана „поради прифаќањето на барањата упатени до нејзината земја, што никој друг политичар не би го направил, за спротивставување на тиранијата, како и за обезбеднување стабилно морално лидерство во светот“.

Според „Тајм“, Меркел му се спротивставила на рускиот претседател Владимир Путин и го забавила неговиот обид да ја окупира Украина, а покрај тоа и го запрела банкротот на Грција.

Покрај ова, Меркел стана личност на годината и поради „менаџирањето на епската бегалска криза за што доби многу критики од своите граѓани и конзервативни сојузници“, поради што некои ја нарекуваат и „совеста на Европа“.

Уредниците на „Тајм“ секоја година бираат „Личност на годината“, според критериумот најголемо влијание во светот за добро или за лошо. Оваа година во конкуренција биле и лидерот на ИД, Абу Бакр ал Багдади, еден од претендентите за републикански кандидат за претседател на САД, Доналд Трамп и иранскиот претседател Хасан Рохани.

Откако весникот во 1999 година го смени името на изборот од „Маж на годината“ во „Личност на годината“, Меркел е четвртта жена која се нашла на насловната страна на магазинот и само прва која е прогласена за личност на годината како поединец.

Би можело да ве интересира

Скок во приходите и профитот на голем германски производител на оружје

Германската полиција го пронајде бебето на убиената жена од Украина

Горан Наумовски

Случаен минувач спасил бебе и баба од давење во река во Германија

Бундестагот повторно ја отфрли нацрт-резолуцијата за испорака на ракети „Таурус“ за Киев

Украинка е пронајдена мртва во Хокенхајм, исчезнаа нејзиното бебе и мајка

Горан Наумовски

Пронајдена е најголемата масовна гробница во Европа

Горан Наумовски