Ентони Скарамучи : Во Белата куќа има „заговорници“ кои сакаат да го тргант Трамп

Ентони Скарамучи : Во Белата куќа има „заговорници“ кои сакаат да го тргант Трамп

Поранешниот директор за комуникации, Ентони Скарамучи кој остана на функцијата само десет денови, тврди дека „има луѓе во Белата куќа кои работат против претседателот Доналд Трамп“.

Во разговор за Еј-Би-Си прв пат по неговата смена минатиот месец, тој вели дека тие луѓе „прават заговор“ за да се тргне Трамп од функцијата.

– Претседателот не е претставник на политичкиот естаблишмент, па без разлика на гласовите што ги има добиено, луѓето од таа политичка класа сега сакаат да го елиминираат, рече Скарамучи, инсистирајќи дека такви личности има во Вашингтон, но и во самата Бела куќа.

Според несудениот директор за комуникации, тие луѓе во Белата куќа, „не им помагаат, толку колку што е тоа потребно, ниту на неговите интереси, а ниту на неговата политичка агенда“.

Скарамучи одбил да каже за кои луѓе станува збор, освен што кусо забележал дека „некои имиња , претходно, векќ ги има споменато“.

Тој беше експресно сменет од функцијата, откако во јавноста се појави еден телефонски снимен разговор, со новинар, во кој Скарамучи од позицијата директор за комуникации, грубо се нафрла врз шефот на кабинетот на Белата куќа, Рајнс Прибус, а не го поштедува од навреди и советникот на Трамп за стратешки прашања, Стив Банон.

Поради неговото поставување на функцијата директор за комуникации, оставка поднесе портпаролот на Белата куќа, Шон Спајсер кој подоцна призна дека бил против, а медиумите во САД тврдеа дека против биле и Прибус и Банон.

Прибус повеќе не е шеф на кабинетот, иако со Банон и Спајсер беше од почетокот на претседателската кампања на Трамп, но Скарамучи му сугерира на претседателот Трамп дека треба да го прочисти составот на луѓето во Белата куќа и да постави само нему лојални луѓе.

Поврзани вести

Пучдемон: Каталонија ќе продолжи по патот на незав... Претседателот на каталонската Влада, Карлес Пучдемон денеска изјави дека нападите што се случија во Каталонија нема да влијаат и да го сменат патот ко...
Уапсено четврто лице поради нападите во Шпанија... Каталонската полиција денеска соопшти дека уапсила уште едно лице во врска со нападите во Барселона и Камбрилс, со што бројот на осомничените достигна...
Ердоган со повик до Турците во Германија да не гла... Турскиот претседател Реџеп Таип Ердоган ги повика Турците кои живеат во Германија да не гласаат за трите главни партии на изборите што треба да се одр...
Билансот на загинатите во двата напада во Каталони... Билансот на загинатите во двата терористички напади со автомобили во шпанската автономска област Каталонија се зголеми на 14 лица, откако жена тешко р...
Германската десничарска политичарка Петри обвинета... Парламентарниот комитет во источниот дел на Германија, побара на Фрауке Петри, еден од лидерите на крајно-десничарската партија Алтернатива за Германи...
Во Барселона минута молк за жртвите од терористичк... Илјадници луѓе денеска присуствуваа на главниот плоштад во Барселона, каде со минута молчење им се оддаде почит на жртвите од терористичкиот напад. ...