Египет: Притворени машиновозачите и нивните помошници, по несреќата во која загинаа 41 лице

Египет: Притворени машиновозачите и нивните помошници, по несреќата во која загинаа 41 лице

Египетското обвинителство им одреди мерка притвор од 15 дена на машиновозачите и нивните помошници на двата воза кои се судрија во петокот.

Во железничката несреќа покрај Александрија загинаа најмалку 41 лице, а ранети беа 133, според информациите на Министерството за здравство.

Двајцата машиновозачи и нивните помошници ќе останат во притвор, додека се води истрагата.

Земени се примероци од урина и крв од еден од машиновозачите за да се утврди дали тој користел наркотици.

Патнички воз, кој патувал од Каиро за Александрија се судри со голема брезина со воз од Порт Саид, кој не бил во движење.

Според една од верзиите несреќата се случила заради грешка на машиновозачот, кој не го забележал сигналот за забрана на семафорот, како и значително зголемата брзина со која го управувал возот.

Според друга верзија диспечерот му дал погрешен сигнал на првиот воз, тој запрел и потоа во него се удрил вториот воз.

Египетскиот министер за транспорт Хешам Арафат изјави вчера дека мануелниот оперативен систем е факторот, кој придонел за несреќата – една од најтешките во земјата изминатите години.

Египетскиот претседател Абдел Фатах ал Сиси нареди спроведување истрага за инцидентот.

Железничкиот систем во Египет е во мошне лоша состојба. Најтешката железничка несреќа во земјата се случи во 2002 година, кога 315 лица загинаа во пожар во железничка композиција, која патувала од Каиро за централнот град Луксор.

Поврзани вести

Можен прекин во водоснабдувањето утре во Драчево и... Прекин во водоснабдувањето утре од 9 часот до завршување на работите, можно е да имаат корисниците во населбите Драчево и Долно Лисиче. РЦУК по из...
Протестираа жителите на Порој поради несанираните ... Со предупредувачка блокада од половина час на регионалниот пат Тетово - Јажинце кај мостот под селото, жителите на Порој го изразија својот револт од ...
Џафери: На седниците на работните тела ќе се канат... Претседателот на Собранието на Република Македонија, Талат Џафери му одговори на премиерот Зоран Заев на неговото писмо со честитка за водењето на пар...
Тешко повреден маж по пад од карпа кај браната на ... Четириесетгодишен маж изутрина околу осум часот паднал искачувајќи се од карпа на излезот од браната кај езерото „Младост“, здобивајќи се со тешки тел...
(ВИДЕО) Димитров во посета на Осло: Потпишана Заед... Заокружувајќи ја својата нордиска турнеја, денеска министерот за надворешни работи на Република Македонија, Никола Димитров, престојуваше во возвратна...
Реконструкција на улици во Пехчево... Асфалтирани се две улици во Пехчево со вкупна должина од околу 500 метри, а во тек е реконструкција и на улиците „Гоце Делчев“ во должина од 168 метри...