Шулц уверен дека може да ја замени Меркел на функцијата канцелар на Германија

Шулц уверен дека може да ја замени Меркел на функцијата канцелар на Германија

Главниот конкурент на германската канцеларка Ангела Меркел на претстојните избори, Мартин Шулц изрази денеска увереност дека може да победи и покрај големата предност во анкетите за актуелната канцеларка.

Шулц за германската телевизија Цет-Де-Еф истакна дека остануваат уште шест недели до изборите на 24 септември.

– Сметам дека се уште имам добри шанси да ја предводам следната влада, рече тој.

Германија има рекодно ниска невработеност, балансиран буџет и силна економија, така што Шулц треба да води тешка битка за да ја победи Меркел. Во телевизиското интервју тој беше предизвикан да се изјасни зошто луѓето би гласале за неговата Германска социјал демократка партија, а не за Демохристијанската унија на Меркел.

– На Германија и оди добро…но тоа што на Германија и оди добро, не значи дека на сите Германци им оди добро. Ние треба да бидеме многу подобри во повеќе области, рече Шулц.

Тој потенцира дека неговите социјалдемократи се коалициски партнер на Меркел во Владата и заслугите за успесите не би требало да се препишуваат исклучиво на нејзината партија.

Шулц нагласи дека се радува дека ќе се состави т.н. голема коалиција по изборите, но под негово раководство.

Според него неопходни се повеќе инвестиции во инфраструктурата, програми за обучување и помош за семејствата со ниски примања.

Според денеска објавеното истражување на социолошката агенција „Емнид“ за весникот „Билд“ социјалдемократите ја зголемиле поддршката со еден поен на 24 проценти, а поддршката за конзервативците на Меркел останува непроменета и изнесува 38 отсто.

Шулц упати критики до германската автомобилска индустрија по скандалот со фалсификувани емисии за дизел горива, при што напомена дека „високо платените менаџери на „Фолксваген“, „Дајмлер“ ја пропуштиле иднината, со тоа што не инвестирале порано во алтернативните технологии“.

– Неодговорните менаџери во автомобилската индустрија би требало да ја преземат одговорноста, додаде Шулц.

Поврзани вести

Пучдемон: Каталонија ќе продолжи по патот на незав... Претседателот на каталонската Влада, Карлес Пучдемон денеска изјави дека нападите што се случија во Каталонија нема да влијаат и да го сменат патот ко...
Уапсено четврто лице поради нападите во Шпанија... Каталонската полиција денеска соопшти дека уапсила уште едно лице во врска со нападите во Барселона и Камбрилс, со што бројот на осомничените достигна...
Ердоган со повик до Турците во Германија да не гла... Турскиот претседател Реџеп Таип Ердоган ги повика Турците кои живеат во Германија да не гласаат за трите главни партии на изборите што треба да се одр...
Билансот на загинатите во двата напада во Каталони... Билансот на загинатите во двата терористички напади со автомобили во шпанската автономска област Каталонија се зголеми на 14 лица, откако жена тешко р...
Германската десничарска политичарка Петри обвинета... Парламентарниот комитет во источниот дел на Германија, побара на Фрауке Петри, еден од лидерите на крајно-десничарската партија Алтернатива за Германи...
Во Барселона минута молк за жртвите од терористичк... Илјадници луѓе денеска присуствуваа на главниот плоштад во Барселона, каде со минута молчење им се оддаде почит на жртвите од терористичкиот напад. ...