Три пожари вчера во Крива Паланка

Три пожари вчера во Крива Паланка

Три пожари за само десетина часа се случиле на подрачјето на Крива Паланка вчера, информираат до Територијалната противпожарна единица, Крива Паланка.

-Околу 11 часот е примена првата дојава, за пожар во местото викано Ораовица, во село Градец, каде се изгорени околу седум хектари, ниско-деградирана шума, листопадна и иглолисна. Пожарот беше потпален над стариот кој избувна ноќта, а од ветарот се прошири, поради што повикавме екипи на ЈП Македноски шуми. Помогна и Тимот за одговор и дејствување при катастрофи на ОО Црвен крст Крива Паланка кој ни донираше помош во храна и вода на теренот, но и зема активно учество во гасење на пожарот. Благодарност до нив и раководителот на ДЗС Крива Паланка, кој помогна на терен, информира Иле Коцевски, командир на ТППЕ, Крива Паланка.

На оваа локација се изгорени вкупно 10 хектари во еден ден, а од 31 јули годинава до вчера на истата локација предизвикан е пожар по трет пат.

– Овој пожар, карактеристично, беше запален на билото, високо под ридот, место кое речиси е непристапно, обраснато со трње, без пристапени патишта. На алтернативни патишта се носеше вода, само со едно теренско возило кое единствено можеше да доспее до локацијата, додаде Коцевски.

Втор пожар бил пријавен околу 17 часот, а добиена е дојава за пожар на куќи во село Длабочица.

– Веднаш е појдено со теренско возило и тројца пожарникари и повикана е помош од цистерна и ЈП Македонски шуми. Пожарот е локализиран околу 19 часот, а целосно ликвидиран во 23 часот. Интервенираа 6 пожарникари со 2 возила, 5 шумски работници и месно население, над десет луѓе. Опожарена е површина блиску до куќите, а пожарот се прошири накај местото викано Црква, но за среќа, зафатена е само една стара напуштена куќа, ненаселена, а спасени се две куќи во кои живеат луѓе, но немаше потреба за евакуација, посочи Коцевски.

Во 23:30 часот добиена е трета дојава за запален багрем во село Осиче, од местото викано Крушче до објектот на школото, упатена е екипа со тројца пожарникари, а временските прилики, дождот кој заврна, помогнал да се локализира делумно. Досега, во изминатите 48 часа најмалку од една до три екипи на ТППЕ Крива Паланка постојано се на терен, а во сите активности паралелно помагаат екипите на ЈП Македонски шуми, ПШС Осогово.

Поврзани вести

Ристески: Целта на пресудата е да се дискредитира ... Градоначалникот на Прилеп, Марјан Ристески реагира на пресудата поради сторено кривично дело „Несовесно работење во службата“, а по пријава од адвока...
Гори депонија во Тетово, Арифи не знае дали може д... Околу 14 часот избувна пожар во Тетово, на депонијата во близина на силосите за жито на „Жито Полог“. Граѓаните велат дека градот е задушен во чад и н...
Уапсен бизнисменот  Бенџамин Штајнмец... Милијардерот Бенџамин Штајнмец, кој е сопственик на низа компании во земји на Балканот, меѓу кои и Мaкедонија, а кој се бараше со потерница од страна ...
(ВИДЕО) Костов: Пет милиони евра долг во ГОБ, потр... Новиот директор на ГОБ  “8 Септември“,  Христијан Костов, на прес конференција информираше  во каква состојба била болницата во моментот на  неговото ...
Марјан Рисески осуден за несовесно работење на пар... Основниот суд во Прилеп го осуди градоначалникот на Општина Прилеп Марјан Ристески со парична казна од 36.900,00 денари. Ристески е осуден поради с...
Валандово утре ќе гласа за или против рудникот Каз... Утре жителите  на Валандово  на референдум ќе се изјаснат дали ќе дозволат да се изгради   рудникот Казандол и за можното отворање на нови рудници на ...