Скупини Романи од Македонија на меѓународен фестивал во Бугарија

Скупини Романи од Македонија на меѓународен фестивал во Бугарија

Скупини Романи (Scupini Romani) – брендот на Центарот за научно истражување и промоција на културата од Скопје „Хаемус“ утре ќе биде претставен на меѓународниот антички римски фестивал „Нике – играта и победата” во Бугарија.

Скупини Романи се состои од мноштво подвижни ескпонати (керамика, облека, накит, плетени предмети, сувенири) кои се дизајнирани по нарачка и рачно изработени од уметници, занаетчии и артизани по инспирација од богатото културно наследство од римскиот период откриено на територијата на Република Македонија. Концептот на Скупини Романи е променлив во зависност од околностите и може да биде организиран како амбиентална поставка, подвижна изложба или фестивал со живи учесници.

Античкиот римски фестивал во Бугарија ќе се одржи на територијата на древниот римски град и археолошки резерват „Никополис ад Иструм“. На фестивалот ќе бидат претставени ритуали кон римските божества, античка мода, храна, занаети, монетоковање, изложба на постери и др. Scupini Romani ќе биде дел од двата најважни настани од животот на градот низ вековите кои ќе бидат визуелизирани од страна на 150 учесници на групи за реконструкција на античкиот Рим од Романијa, Унгарија, Македонија и Бугарија.

– Нашата држава има силни врски со античката римска култура бидејќи територијата на Македонија со векови била дел од Римското царство. Но, наместо нашето наследство да го промовираме со статични музејски поставки, одлучивме претставувањето на Scupini Rmani да го правиме преку меѓународни фестивали кои секаде го привлекуваaт вниманието на јавноста, изјави Василка Димитровска, директор на „Хаемус“.

Првото издание на фестивалот на древната римска култура Scupini Romani во земјава се одржа минатата година во Скопје.

Поврзани вести

Младите од Вевчани ги изучуваат тајните на традици... Во рамки на Фестивалот за народна култура „Пображење“ што се одржува во Вевчани како содржина е вметната и работилница за традиционално изворно пеење ...
Концерт на дуото „Алиада“ и изложба за Роберт Музи... Фестивалската програма на „Охридско лето“ за денеска предвидува концерт за саксофон и хармоника на дуото „Алиада“, како и изложбата „Роберт Музил и Пр...
Во Велес изложба на фотографии за убавините на Пре... Во Ликовниот салон во Велес синоќа беше отворена изложба на фотографии од Љупчо Илиевски од Скопје фотограф –фоторепортер вработен во МРТВ како камерм...
Поетско читање на Прилепско културно лето... Во Центарот за култура „Марко Цепенков“ во Прилеп вечер ќе се одржи манифестацијата „Поетско читање“, во рамки на Прилепско културно лето. На Поетс...
АУДИО: Џорлев како директор на „Танец“ се лути про... На ЈуТјуб се појави аудио снимка од доскорешниот директор на Ансамблот „Танец“ од која што може да се слушне како Зоран Џорлев на состанок со вработен...
Ретроспективна изложба на копаничарот Раде Костовс... Во уметничката галерија на Локална установа Градски музеј - Крива Паланка, вечерва ќе биде отворена ретроспективната изложба на дводецениското творешт...