Гран при за Мице Јанкуловски на 19-тото Меѓународно биенале за графика во Варна

Гран при за Мице Јанкуловски на 19-тото Меѓународно биенале за графика во Варна

Гран при наградата на 19-тото Меѓународното биенале на графика 2017 во Варна, или како што уште се нарекува „Големата награда на градот Варна“, е највисокото признание на Биеналето, кое со одлука на интернационалното жири ја доделува градоначалникот на Варна, а оваа награда, вечерва ја доби Мице Јанкуловски при отворањето на изложбата и соопштувањето на наградите.

Меѓународното биенале на графика во Варна, со своето 19-то издание потврди дека се наоѓа меѓу најпрестижните манифестации од овој вид во светот. Доказ за тоа се големиот број пристигнати дела – 685, од кои за изложба и претставување во каталогот беа селектирани 475 дела од 350 автори од 57 земји во светот.

За наградите одлучуваше интернационално жири во состав: Стоимен Стоилов / Австрија – претседател и членовите: Магда Шплит / Полска – носител на Големата награда на Варна на претходното, 18 МБГ, Владо Георгиевски / Македонија – директор на Меѓународното триенале на графика во Битола, Доц. д-р Деница Јанева / Бугарија – професор на Академијата за ликовни уметности при универзитетот во Велико Трново и Венцеслав Антонов / Бугарија – Директор на МБГ и Галеријата на графичката уметност во Варна. Жирито ги додели следните награди:

ГОЛЕМА НАГРАДА на ГРАД ВАРНА – Мице ЈАНКУЛОВСКИ, Македонија
ПОСЕБНА НАГРАДА на ЖИРИ – Чакрит ЛАПАУДОМЛОЕТ, Тајван
ТРИ РАМНОПРАВНИ НАГРАДИ – Оја МАСАКИ, Јапонија / Мердад КАТАЕИ, Иран / Христо ЦАЦИНОЦ, Бугарија

Делото на Јанкуловски, носител на ГРАН ПРИ, е концепт од 5 графики насловен како „Формите на Венеција“ (сериграфии со апликација на флок, отпечатени во серија од 10, секоја со дименизии 100х70 см), куратиран од познатиот историчар на уметност и куратор Енцо ди Мартино од Венеција. Графиките можат да се разгледуваат поединечно, но најдобро функционираат во заеднички концепт. Беа печатени во познатото графичко студио „Фалани“ во Венеција и промовирани во нивниот центар за уметност на 19 јули 2017. Во овој момент сеуште трае изложбата на Јанкуловски „Формите на Венеција“ во Фалани Арт-центарот, па интересно е што додека таму трае изложбата, истото дело во Варна е наградено со највисокото признание на Меѓународното биенале на графика.

Поврзани вести

АУДИО: Џорлев како директор на „Танец“ се лути про... На ЈуТјуб се појави аудио снимка од доскорешниот директор на Ансамблот „Танец“ од која што може да се слушне како Зоран Џорлев на состанок со вработен...
Ретроспективна изложба на копаничарот Раде Костовс... Во уметничката галерија на Локална установа Градски музеј - Крива Паланка, вечерва ќе биде отворена ретроспективната изложба на дводецениското творешт...
Седмо издание на Фестивалот за народна култура „По... Десетина културно-уметнички друштва и ансамбли на народни песни и игри учествуваат на Фестивалот на народна култура „Пображење“, што во организација н...
Шпанскиот мајстор на гитара Игнасио Родес вечер на... Вљубениците во звукот на класичната гитара вечер во рамки на Фестивалот „Охридско лето“ ќе имаат несекојдневна можност да уживаат во уметничкиот израз...
Повик за учество на ликовни уметници на групна изл... До први септември е отворен повикот на Здружението за култура „Транзен“ за учество на ликовни уметници на групната изложба „Несовршен простор“ на која...
Од 19 до 25 август осмиот „МакеДокс“... Осмото издание на Фестивалот на креативен документарен филм „МакеДокс“ ќе се одржи од 19 до 25 август 2017 година во, и на платото пред, Куршумли-ан в...